| � |
قارا گيله سئوگي سؤزلر بلاقا گؤره خوش گؤردوك وطنداشلاريم وطنداش! نه گؤزل سسله نير بو سؤز يعني بير وطنين اولاديييق بيز آناميز عيني دير قارداشيق دئمك من سنه آرخايام سن منه كؤمك وطنداش! نه گؤزل سسله نير بو سؤز يعني ايكي جاندا بير اوره ييك بيز گوجسوزوك، بيز هئچيك، سن ده، من ده، تك وطنه گووه نيب اولدوق وطنداش منيم اوره ييمي قاناتسين گرك سنين ديرناغينا ده ين چيرتما داش سون یازی لار بيليرسن قلبيمين نه‌دير آرزيسي من سني سئوه‌يديم سن بيلمه‌يه‌يدين گيزلين ساخلايايديم سئوينجلريمي من سنه گوله‌يديم سن گولمه‌يه‌يدين
اورگيم باشيندا تيكه‌يديم قالا بوتون سئونلري ييغايديم اورا گلن گلمه‌يه‌نين قاداسين آلا من اورا گله‌يديم سن گلمه‌يه‌يدين
آرزيمدير فلگي بير ده گؤره‌يديم اوندان ايكي عؤمور آلا بيله‌يه‌ديم اؤله‌يديم، ديريليب بير ده اؤله‌يديم سنين عوضينده، سن اؤلمه‌يه‌يدين «خييوولو آليش» بؤلوم : سئوگي شئرلر بير مئح ايدي بير مئح ايدي ، اسيب گئتدي . سؤزلو- سؤزلو سوسوب گئتدي بلكه ائله كوسوب گئتدي ، بيرده گئري قاييدارمي ؟ اؤزو بويدا اوره ك ايدي ، آج كؤنلومه چؤرك ايدي ، گؤيدن گلميش ملك ايدي بيرده گئري قاييدارمي ؟ او باخيش نه باخيشيدي ؟ باخا - باخا قالديم آللاه ! كيرپيك چالدي ،آتشيندن ايچين - ايچين يانديم آللاه ! منه اولان اولوب داها غم كؤنلومو آليب داها اوميد اونا قاليب داها بيرده گئري قاييدارمي ؟ بؤلوم : سئوگي شئرلر سنين خاطيرينه ... نه يازسام سئوگيدن يازير قلم ، سنين خاطيرينه . هيجراندان بوينو بوكولو، منم ، سنين خاطيرينه . يولومو دومان باغلاسا، كؤكسومو حسرت داغلاسا . گؤزلريمده سئل چاغلاسا گوللم ، سنين خاطيرينه . گل يانديرما ديلين ايله چوخ اويناما كولوم ايله ، سون تيكه مي سنين ايله بؤللم ، سنين خاطيرينه . بيلميرم ، ملك سن نه سن ، جان وئره رم ، جان ايسته سن . بيرجه كلمه اؤل ، سؤيله سن ، اؤللم ، سنين خاطيرينه . بؤلوم : سئوگي شئرلر مندن اسيرگمه ... مندن اسيرگمه او گؤزلريني ، باخيم گؤزلرينه گؤزوم سئوينسين، سني سئوديييمي سؤيله ييم سنه ، اوره ييم سئوينسين ، سؤزوم سئوينسين ... مندن اسيرگمه محبّتيني ، ساخلا سحركيمي طراوتيني . گؤستر لئيلي كيمي صداقتيني حسرت بويون بوكسون ، دؤزوم سئوينسين . نازلي بير پري سن اوچوب گلميسن ، پاييزدان باهارا كؤچوب گلميسن . هانسي درد اليندن قاچيب گلميسن ، قوووشسون ايزينه ايزيم سئوينسين . مندن اسيرگمه گول نفسيني ، سن اوخو ، دينله ييم يازين سسيني . مندن اسيرگمه عشق قفسيني يانيم بو قفسده كؤزوم سئوينسين . مندن اسيرگمه غؤنچه دوداغي ، سن آللاه ، قلبيمه چكمه بو داغي . اوتوراق اوز - اوزه بير آخشام چاغي ، چؤره ييم سئوينسين ، دوزوم سئوينسين ... بؤلوم : سئوگي شئرلر سنسيز يامان داريخميشام اورگيمده سوخورلانميش محبتين ايزلريني، باخيشينلا ياشادارسان ايلك عشقيمين بنزريني، بو دونيايا ديَيشمه‌رم شفق ساجان گؤزلريني، اود آلميشام صيفتيندن، آخيب سنه قاريشميشام سنسيز يامان داريخميشام!
بير هاراي وار گنجليگيمده، قويامميرام اونا بير آد گؤر نه‌دندير؟ عشقيميزدن عرشه قالخيب ناله،فرياد بو آيريليق گونلرينده بيرجه كره اولسايديق شاد، دئيه بيلمم، بختي كمم، دردلي-قملي يارانميشام سنسيز يامان داريخميشام!
او گولوشون نه شيريندير، حسرتينسه يامان جتين من سويويوب بوزا دؤندوم، قيزديرارمي هرارتين؟ بير گيزليجه، بير آلوولو، بير بلالي محبتين آلوووندا توستوله‌نيب، يانيب-يانيب كول اولموشام سنسيز يامان داريخميشام!
ائله بيلمه ساكيت-ساكيت اينيلده‌ين من بير نئيم، ائله بيلمه ساجلارينا سيگال جكن بير كوله‌يم، اوزاقداسان... خيالينلا ياشاييرام، ائله بيل كي سنينله‌يم هاردا اولسام سني هر آن دوشونمه‌يه جاليشميشام سنسيز يامان داريخميشام!  بؤلوم : سئوگي شئرلر بؤلوم لر باغلانتی لار یارپاق لار سایغاج
|
� |
| � |
 |
� |